Liderlik va shaxsiy rivojlanish boʻyicha murabbiy
Maʼruza emas, suhbat — baxt, pul, liderlik va oʻz yoʻling haqida.
Davlat xizmatida 17 yil, shundan toʻrt yili Qoraqalpogʻiston Respublikasi rahbariyatida. Sotsiologiya fanlari boʻyicha falsafa doktori (PhD), Berdaq nomidagi Qoraqalpoq davlat universitetida dars beraman. Yoshlar, rahbarlar va tadbirkorlar uchun uchrashuvlar, dasturlar va treninglar oʻtkazaman.
Ularni talabalar, yosh mutaxassislar va rahbarlar beradi. Tayyor retsept yoʻq — tajriba, tadqiqot va halol javoblar bor.
Maʼruza va suhbatlarimda qayta-qayta qaytadigan olti fikr.
Boshqalar bilan solishtirishdan yoki ota-onaning roʻyobga chiqmagan orzusidan tugʻilgan maqsad unga erishgandan keyin ham quvontirmaydi. Haqiqiy maqsad nimani bilishingiz va nimani yaxshi koʻrishingizdan kelib chiqadi. Shunda ish charchatmaydi, aksincha, kuch beradi.
Yangi bodring tuzlangan suvga solinsa, vaqt oʻtib u ham tuzlanadi. Atrofda shikoyat qilish va hech narsa qilmaslik odatiy hol boʻlsa, bu siz uchun ham odatga aylanadi. Yoningizda kimlar borligiga va har kuni qanday maʼlumot olayotganingizga eʼtibor bering.
Lider odamlarni ishlashga majburlamaydi, ularning oʻsishiga yordam beradi: insonning kuchli tomonini topadi, oʻz oʻrnini topishga koʻmaklashadi va boshliqqa qaramasdan qaror qabul qilishni oʻrgatadi.
Har qanday chempionning murabbiyi bor. Kuchli odamlarning aksariyati ustoz yonida oʻsgan: oʻqituvchi, rahbar yoki ota-ona. Oʻz ustozingizni toping va undan oʻrganing.
Maktab tarix, matematika va fizikani oʻrgatadi, lekin qaror qabul qilishni va shaxsiy moliyani yuritishni oʻrgatmaydi. Universitet ham, ota-onalar ham oʻrgatmaydi — chunki oʻzlari ham bilishmaydi. Buni oʻrganish mumkin, qanchalik erta boshlansa, shuncha yaxshi.
Insonga faqat qulaylik emas, maʼno ham kerak — bu haqda Viktor Frankl yozgan. Bilim, koʻnikma va xarakterga sarmoya kiritilmasa, hayot ertami-kechmi ichidan buzila boshlaydi.
Bepul ochiq uchrashuvdan boshlash mumkin. Keyin — dastur, jamoa uchun trening yoki shaxsiy ustozlik.
Bepul
Baxt, pul va yoʻl tanlash haqida ikki soatlik suhbat. Zaldan savollar, ochiq javoblar, eng faol ishtirokchilarga sovgʻa sifatida kitoblar.
Keyingi uchrashuvga yozilishTez kunda
Birinchi uchrashuvdan keyin ishtirokchilar kurs va amaliyot soʻrashdi. Bir necha mashgʻulotdan iborat dastur tayyorlayapmiz: maqsad, atrof, qarorlar, shaxsiy moliya, kasbdagi ilk qadamlar.
Kutish roʻyxatiga yozilishJamoalar va biznes uchun
Rahbarlar va biznes egalari uchun trening: Bodo Shefer va Boris Grundlning «Oddiy liderlik» kitobi hamda davlat xizmatidagi boshqaruv tajribasi asosida.
Yakkama-yakka
Tanlov qilish kerak boʻlganda yakkama-yakka uchrashuvlar: kasb, martaba, yangi bosqichga oʻtish, biznesdagi qarorlar.
Konsultatsiyaga yozilishERKIN podkastining men oʻz hikoyamni aytib bergan soni shunday nomlanadi. Bu yerda — qisqacha.
Qoraqalpogʻistonning Qoʻngʻirot tumanida ziyolilar oilasida tugʻilganman.
Qoraqalpoq davlat universitetining yuridik fakultetini tamomladim.
«Ustyurtgaz» unitar korxonasida yuriskonsult boʻlib ishladim.
Oʻzbekiston Respublikasi Strategik tahlil va istiqbolni belgilash oliy maktabini tamomladim.
Oʻn uch yillik xizmat. Shu yerda birinchi ustozim va birinchi katta saboq paydo boʻldi: bitta odamga bogʻlanib qolma, oʻz oyogʻingda turishni oʻrgan.
Qoraqalpogʻiston Respublikasi Vazirlar Kengashi Raisining jamoat va diniy tashkilotlar bilan aloqalar boʻyicha oʻrinbosari boʻldim.
Qoraqalpogʻiston Respublikasi Joʻqorgʻi Kengesi Raisining oʻrinbosari, deputat.
Yosh oilalarni kambagʻallikdan chiqarishdagi ijtimoiy yondashuvlar haqida dissertatsiya himoya qildim — Qoraqalpogʻiston misolida.
Berdaq nomidagi QDU yuridik fakultetining katta oʻqituvchisiman. Sentyabrda yoshlar bilan birinchi ochiq uchrashuvni oʻtkazdim.
Birinchi ochiq uchrashuv 2026-yil 23-sentyabrda Nukusdagi Yoshlar texnoparkida boʻlib oʻtdi. 30 dan ortiq kishi qatnashdi, asosan yoshlar. Ikki soat davomida hayot, maqsad, pul va shaxsiy masʼuliyat haqida savollar va ochiq javoblar.
Bu maʼruza emas, ochiq suhbat boʻldi: erkin savollar va tushunarli javoblar.
Uchrashuvdan keyin ishtirokchilar pullik kurs va amaliyot soʻrashdi — dastur tayyorlanmoqda.
Uchrashuvlar va podkastlar qoraqalpoq va oʻzbek tillarida.
Jaslar menen ashıq sáwbet
Yoshlar texnoparkida yoshlar bilan ochiq suhbat
Maʼlumotim boʻyicha yurist va siyosatshunosman, sotsiologiya fanlari boʻyicha falsafa doktori (PhD).
Oʻn yetti yildan ortiq davlatga xizmat qildim: harbiy xizmat, soʻngra Qoraqalpogʻiston Respublikasi Vazirlar Kengashi va Joʻqorgʻi Kengesi. Hozir Berdaq nomidagi QDU yuridik fakultetida yuridik psixologiyadan dars beraman va har kim istalgan savolini berib, ochiq javob oladigan uchrashuvlar oʻtkazaman.
Mening maqsadim — kimgadir nimanidir isbotlash emas. Oʻz tajribamdan kelib chiqib, jamiyatimiz uchun foydali boʻlishi mumkin boʻlgan fikr, gʻoya va xulosalarni ochiq baham koʻrish.
«Yosh oilalarni kambagʻallikdan chiqarishda ijtimoiy yondashuvlar tahlili (Qoraqalpogʻiston Respublikasi misolida)». Ixtisoslik 22.00.02 — Ijtimoiy tuzilish, ijtimoiy institutlar va turmush tarzi. 2025-yil 25-fevralda Oʻzbekiston Respublikasi Prezidenti huzuridagi Davlat boshqaruvi akademiyasida himoya qilingan.
Kontaktlaringizni qoldiring — eng yaqin uchrashuv haqida xabar beramiz yoki trening va konsultatsiyani kelishib olamiz.